Wo bewafa hua jisne sikhaai wafa mujhe (Poem)

Maula na kar tu or meherbaani ada mujhe,
Baarish me de diya bina chat ka makan mujhe!

Makka pahuch sake na toh mehboob ki gali,
Kismat ne bana diya hai lifafa bepata mujhe!

Gurbat me kaise kaise nahi hote hain haadse,
Aate me aaj paani fir jyada mila mujhe!

Kyu ho gaya rakeeb ye dono jahan mera,
Ab toh bata de koi aake meri khata mujhe!

Takdeer ka sitam kahu ya allah ki marzi,
Wo bewafa hua jisne sikhaai wafa mujhe!



By,

Ashutosh Sharma

Hum Parwaane Ho Gaye…!!!

Samandar me akele hum, aur kinare kho gaye,
Bharose thi jindagi jinke, wo sahare kho gaye…!!!

Kaanto ka raasta bhi aaj use pyara ho gaye,
Akela kar gaye hume aur khud besahara ho gaye…!!!

Kaise dekh paunga me aapko itna udaas jindagi me,
Lo ab meri saari khushiyan aapki aur saare dukh hamare ho gaye…!!!

Tu na mile mujhe to kya, sapne dekhna to jaari hai,
Mai to milta hu roj tujhse, tujhe mile jamane ho gaye…!!!

Jiss chehre se pyaar the tujhe, jispe pura aitbaar tha tujhe,
Aaj saare naye chehare humdard hai tere, aur hum begaane ho gaye…!!!

Bina kisi gile shikawe ke tera ye khel bhi mujhe pasand aaya,
Tu bani shamaa aur hum parwaane ho gaye…!!!


By,
Jai Prakash Tiwari

Jaa Apni Maut Pe Tujhe Baksha Humne…!!!

kadmo me tere phool bichchaya humne,

Roshni milti rahe tujhe, ki khud ko jalaya humne…!!!

Aarju thi ki maut aaye to wo bhi teri chaon me,

Teri judai ko apna mukaddar banaya humne…!!!

Hasrato ki aag me jalte rahe hum,

Jinda rakha tujhe dil me, aur marte rahe hum...!!!

Ruhani rishto ko thukra diya tune,

Tum ruke Beech safar, aur chalte rahe hum…!!!

Karke mohabbat tujhse, koi gunah nahi ki mene,

Tere diye dard ka khubsurat aashiyan banaya humne…!!!

Kadmo me tere phool bichchaya humne,

Roshni milti rahe tujhe, ki khud ko jalaya humne…!!!

Aag ka dariya tha aur dub ke jaana tha,

Marna tha gawara par mahboob ko paana tha…!!!

Kishmat ko dhokha diya hai kisne,

Maar ke khud ko tujhe aajmana tha…!!!

Duniya ke ranj se bhagte rahe hum,

Mita di apni pahchan, tujhe mahfooz rakha humne…!!!

Khud ko teri yaado me pane ki khwahish aaj bhi hai,

Jaa apni maut pe tujhe baksha humne…!!!

Jaa apni maut pe tujhe baksha humne…!!!



By,
Jai Prakash Tiwari

Nazar Aaye

Yaad tu aaye hume itna ke hum sahil se bahut duuuuuuur nazar aaye,
Jab na raha tu saath hamare, hum Teri shahar ke bahar mazboor nazar aaye....!!!

Gunaho ki dariya me dubte Faristo ki kahani ab kaun sunega,

Jahan Gunehgaar, duniya ko bekasoor nazar aaye…!!!

Pyaar, wafa, mohabbat, Ishq ab to sirf kahne ki baate hai,

Dil tod ke chal dena, iss duniya ko dastoor nazar aaye…!!!

Hum Unki har saans me bas jaana chahte hai,

Wo kisi aur ke sath baato me mashgul nazar aaye…!!!

By,

Jai Prakash Tiwari