Bas mai hu aur meri tanhaii hai…!!! (Poem)

Na jaane fir kyu mujhe aaj unki yaad aayi hai,

Jahan sirf mai tha, mai hu aur meri tanhayi hai…!!!

Din ke ujaalo me bhi aur raat ke andhere me,

Rahti hai jo saath hamesha, ye unki hi parchhaii hai…!!!

Meri koi pahchaan nai, dede mujhe anjaam nayee,

Saath tere ek hone se, lagti hai har shaam nayee,

Mil na sake hum iss janam me,

Yaad karne me bhi rushwaii hai…!!!

Kaise bhul jaau me unko,

Kya sharir kabhi bin aatma rah paayi hai…!!!

Ye jo Dil ka apna rishta hai, Isko koi naam na do,

Tod ke isko be-rahmi se, Isko yu anjaam na do…!!!

Bagair unke sirf maut hi mujhko pyaari hai,

Suna hai Kya kabhi Dil, bagair dhadkan ke rah paayi hai…!!!

Dhoka milta hai har mohabbat me, ye mene ab jaana hai,

Sab jhooth hai iss duniya me, Ek bas yahi sachchaaii hai…!!!

Meri maangi huyi duawo ko shayad tun na kabhi sun paogi,

Mere jaane ke baad iss duniya se, tum tanha hi rah jaogi…!!!

So gaya hu aaj mai fir se,

Pyaar me unke bas maut hi paas me aayi hai…!!!

Iss kabra me ek baar fir se,

Bas mai hu aur meri tanhaii hai…!!!

By,
Jai Prakash Tiwari

Jeena marna sab kuch ab hushn ki chhao me! (Poem)

Khushbu ki tarah faila me inn khubsurat fazao me,

Jab jab khud ko paya mene uski raho me!

Zannat, manzil sab kuch paas aane lage,

Taiyaar hone lage mohabbat-e-mahal, hawaao me!

Kash mera mehboob bhi kuch yu benakaab hota,

Kadmo me mere noore-aaftaab hota!

Gar hushn ke unki mai sartaaz hota,

Hushn-e-didaar ko ye saara aashmaan betaab hota!

Ab to dil ki har tamanna dil me hi dafan kar liya mene,

Gairo ko jab dekha mene unki nigaaho me!

Har waqt apni duawo me unko maanga humne,

Khushiya maangi jitni, utna hi gum paya mene!

Saja mili mujhe kuch yu mohabbat-e-agaaz me,

Khushi dekar unko, apni aankho ko num paya mene!

Aaj hua eksaas mujhe meri gunaho ki,

Bewafayi dikhati rahi use meri wafao me!

Dard-e-dil me ab kisko dikhau,

Ek aag ka dariya me bhi dabaye baitha hu!

Kaun dilayega aazadi iss zillat ki jindagi se,

Me badnaseeb maut ko bhi aajamaye baitha hu!

Shayad gardisho me tha mere kishmat ka sitara,

Jab Maut se bhag ke aaya tha mai maut ki panaho me!

Ab to dede mujhe maut apni hi baho me,

Jeena marna sab kuch ab hushn ki chhao me!

By,

Jai Prakash Tiwari

Mai Apni Badnaseebi Ka Raaz Dhundhata Hun…!!! (Poem)

Iss dard bhari zindagi ka aaj mai suraag dhundhata hun,

Andhera duur kare jo dil ka, me aisa ek chiraag dhundhata hun…!!!

Hasrato ke aayine ko uss patthar dil ne tod diya,

Sheesho ke bikhare inn tukdo me, uska chehra mai aaz dhundhata hun…!!!

Ho gayi hai ab wo kisi aur ki,

Meri ho jaye wo kuch aisa ek mai khwaab dhundhata hun…!!!

Na hoga mumkin ki jagah lele koi uksi,

Jagah jo lele, aisa mai aftaab dhundhata hun…!!!

Aa aake bhar de roshani mere dil ke wiraane me,

Tu hi to hai meri zindagi, jise mai hoke betaab dhundhata hu…!!!

Jab teri har ek saans meri saanson se takarayi thi,

Bhatkata hun yaha waha, aaj uske mai nishaan dhundhata hun…!!!

Tamasha kyu banaya usne meri zindagi ka,

Ho gaya hu paagal, aaj main iska illaz dhundhata hun…!!!

Koi aake meri iss andheri zindagi me ek chiraag to jala de,

Ke mai apni badnaseebi ka raaz dhundhata hun…!!!


By,
Jai Prakash Tiwari

Yun tadpa ke mujhe aandhiyo se bachana kisliye…!!! (Poem)

Dur kar diya hai mujhe apni khwabo se,

Fir ye jaag jaag ke rate bitana kisliye…!!!

Kah gaye the ke fir na aaoge meri wiraan jindagi me kabhi,

Har roj khwabo me aake mujhko jalana kisliye…!!!

Janti ho tum ki Na milega tumhe koi fir mere jaisa,

Gairo se milke har baar khud ko satana kisliye…!!!

Dagaa milti hai logo ko pyar me ye maloom hai mujhe,

Dhokha diya hai tumne mujhe to, nazaren churana kisliye…!!!

Bhar loge ek roj maang me sindur kisi aur ke naam ki,

Aaj hantho pe mere naam ki mehandi rachana kisliye…!!!

Mitna to hai mujhe jo na hogi tum mere sath,

Yun tadpa ke mujhe aandhiyo se bachana kisliye…!!!

By,

Jai Prakash Tiwari

Pahchaan dundhata raha...!!! (Poem)

Iss safar se main jaise thak sa gaya hun aaj,

Jindagi bhagaati rahi mujhe, main ek machaan dundhta raha…!!!

Har Ek sisakati aaho ne hazaro dard chupaye rakha hai,

Mera kafila aage badha, main aaraam dundhata raha…!!!

Ab rone se kya fayda, aane wala kal ab chala gaya,

Jindagi karti rahi peecha mera, main shamshan dundhata raha…!!!

Kya ek jindagi hi hai mere paas jeene ke liye,

Maut to aani hai ek din ye jaankar bhi, mai khushian tamaam dundhata raha…!!!

Ret pe jo nikal gaye, un kafilo ke nishaan dundhata raha,

Iss anjaan duniya me, main apni pahchaan dundhata raha…!!!

By,

Jai Prakash Tiwari